Melayê CizîrîMelayê Cizîrî
Ehmedê XanîEhmedê Xanî
Melayê BateyîMelayê Bateyî
Feqiyê TeyranFeqiyê Teyran
Ustad Bedî'uzzemanUstad Bedî'uzzeman
Ji RêberJi Rêber
XEBER
23.04.2014 / 22:31
La Uhîbbul Afilîn!

Mehcûbim; nikarim binhêrim li çavên te.

      Li kê dinêrim tu tecellî/xweya dibî li ber çavê min. Li ‘êynade timî daîm te dibînim. Li secda de te… Baser; Sifeta îlahî çêtir li ser te ruh da, şîn bû û mezin bu. Argumanên semawî baştir te bi me da naskirin.

      Şevên reş û tarî, bi ‘îsyanê tuxyan belaw dikir; te li asîmana dinêrî. Nehr’us semayên şeffaftirîn dibiriqîn li reşika çavên te de. Paşê; ew heyva di çardehê wekî lem’a yê şu'le; te didît.

      Na, na! Ev rêçeka/komstêrk ev stêrkên vemirî, nabin Rebbê min.”  Hem heyv geştir e û mezintir e û rontir e.  Hem tarî û hem ronî. Perçekî tarî û perçekî ronî. Rêber e jibo bazirgana, setre jibo aşkerabûna ‘eyban. Nalan e li dilê ‘abidan de, ilham e li qelbê şa’iran, qeleme li destê katiban de.

      Şeva te bi tefekkurê derbaz dikir paş zulumatê, bi ruyê beşişî weke Xizir roj derdiket, ronahi dida, zor li tarîtîyê dibir di şefeqa umîdê de. “Belê! Rebbê min eve! Hem roj geştir e, çêtir ronî dide. Qelbên reşên ‘îsyanê dorpêçayî, divê weke fanosê paşerojê ronî bike. Bes rebbê min divê ronî bike, divê germ bike. Kufrana weka cemedê sar û bêcan komelên di ce’dan de, di kuçan de, di qelban de digere; divê germ bike.

      Ema na! Paş jiyanê mirin tê. Aha ev roj jî çu ava. Rebbê min divê wunda nebe. Yê min her tim hemêz û çavdêrî neke, yê bi baskên merhemetê min dorpêç neke, yê wekî dildarê min berdil neke, yê ruhê min ê sar germ neke, yê mejiyê min ê telp û zengar ronî û paqij neke… Ev heyînên wunda, nabin Rebbê min. Rebbê min divê hem germ bike û hem ronî bike û hem jî wunda nebe. Hem divê wisa xef be û hem jî aşîkare be. ‘Eynî weke ‘eşqê…La uhîbbul afilîn.

      Te fehm kir, lêkolîn kir, tu gehiştî kurahiya binecihê. Belê em ya Îbrahîm!...

      Tu ‘ezîz bu, tu pîroz bu, lê tu nehatî fêhmê. Tu Mecnûnê Leyla xwe bu, tu wisa bi tîndarî weke perengê agir dişewitî jibo dildara xwe. Agirê jibo te pêxistîn sar dima li bal agirê ‘eşqa te. Belê; nezanîn, nedîtin, seh nekirin, fehm nekirin. Lewra kor bun, kerr bun, ji fehmê bê par bun. Yan jî ne xwestin te fehm bikin. Lewra çaxê te fehm bikin zanin wê sernixun bibin, desthilatdarîya wan ji destê wan wê here, ew ilahên cahil û reben wê bêrumet bimînin

      Tu ‘ezîzî, tu pîrozî, pîrozbahî jibo te ye, bereketpar dibu cihê ku pîyê te lê dimeşî. Çolên hişk û ziha, gelî û deştên bêav bi berketa te Zemzem jê diherikîn. Bi hurmeta wechê te û Al-ê te (Al-ê Îbrahîm) herdu dunya pê ronî dibun. Tu dildar û xelil ê mewla xwe bu. Lewra her tevgera te û Al-ê te (Al-ê Îbrahîm) her hereket û her tewr û fikrên we yen çalakî ji wê rojê heta roja me û heta roja paşîn jibo peyrewên te bûye ‘îbadet.

      Tu şoreşger bu, dilzîz bu jibu civakê. Ruhê te yê pak hezim nedikir, ku insan; jibo kevir û darên bêcan û bêkêr û bêfayde; bibin kole û bende. Bivirek lazim bu ji te re. Bivirekî wisa ku bi her lêxistina te timî hucreyan bîne lerzê û bixebitîne û bifikirîne, heta dinya bigere neyê jibîrkirin. Bivirekî wisa ku rebenên ji fikr û mitalê bêpar heta heyat berdewam e jibîr nekin. Tu ketî kurahîya dilê me û astengên ku dibûn mane’ diketin navbera me û dildar a me, biwî bivirî; te herişand.

      Tu bav bu, dilovan bu, kulîlkên rehmetê kom bubun di qelbê te de. Belê; wisa tu mecnûnê Leyla xwe bu, yê bi tunehiya wî bi salan tu di huzn û xemê de hiştî û heyîna wî bi cihanê te ne diguhert can û ciger a te Îsma’îl; bê teredud di rêya dildara xwe de nezir kir û dilsozî û sedaqeta xwe te bi me da nîşandan.

      Te bi bivirê xwe put ê mezintirîn herişand, xodbînî û ego ya dibu bend û mane’ê navbera te û Rebbê te; çaxê bi bivirê xwe li şahdamarê wê xist û inqilaba hundur ê xwe pêk anî, min jî xodperestî dikir û mezin dikir ez a xwe, bi pesnên baştirîn dida nişandan. Min her roj pênc wext di nimêja xwe de te û Al-ê te yâd dikir, belê heyîna xwe ya bê qîmet jî, min ne dikir qurban.

      Bi rastî qet ez mecnûn nebume!

Buşra Arslan                                                                                                                 Wergêr: Dilevin Bohtî  

Nav:*
Sernav
E-Posta
Şîrove:*
 * Divê hûn ciyên bi stêrk dagirin.
2186 >> *